Símasögur eru 2×3ja tíma vinnusmiðjur á netinu þar sem þátttakendur læra annars vegar að nýta sér Filmic Pro appið í tökur og hins vegar Kinemaster appið til að klippa efni á snjallsímanum sínum. Farið er í grundvallarþætti í kvikmyndagerð á snjallsímum þar með talið tökuramma, hljóðupptökur og lýsingu. Þátttakendur hafa aðgang að Whatsapp stuðningshópi í 30 daga eftir að vinnusmiðjum lýkur.
Námskeiðið fer fram á ensku.

Verð 45.000 krónur.
Ath. að mörg stéttarfélög veita styrk fyrir hluta af námskeiðsgjaldi

Við bjóðum upp á Meistaramessu að Bifröst í Borgarfirði í efnisgerð á snjallsímum.

Vinnusmiðjan er ætluð þeim sem þegar hafa klárað Símasögunámskeið hjá okkur.

Einungis 12 þátttakendur komast að. Þrír kennarar eru á staðnum þau Jane Mote, Josh Kershaw og Connor Whitfield ásamt verkefnastjórum.
Unnið er frá kl. 9 á morgnana til 22 á kvöldin. Farið verður ítarlega í stafræna frásagnargerð. Myndbönd verða gerð á staðnum undir handleiðslu kennara og kafað dýpra í alla þá þætti sem farið var í á Símasögum.

Markmiðið er að auka hæfni og fagmennsku í efnisgerð á farsíma bæði tæknilega og frásagnarlega.

Einn undirbúningstími fer fram á netinu áður og stendur yfir frá kl. 10:00 – 12:00 á tilteknum degi.

Verð er 138.000 krónur. Innifalin er gisting í eina nótt í einstaklings­herbergi og 6 máltíðir. Hægt er að bæta við gistinóttum fyrir 7.500 króna aukagjald á nótt.

Vinsamlegast hafið samband við okkur varðandi næstu dagsetningar.